TSHIMA 2017

TSHIMA 2017

Ho fhela minwaha mivhili musi pfufho dza muzika wa Tshivenda Music Awards (TSHIMA) dzi songou vha hone nga nwambo wa zwiitisi. Fhedzi nanwaha zwi nga mufhini wo vhuelela mugwalani sa izwi vhadzuzanyi vha pfufho idzi vho sumbedza uri pfufho idzi dzi do vha hone nga duvha line la do divhadzwa hu si kale. Naho fhethu hune dza do farelwa hone hu saathu divhea, munwe wa vhadzudanyi wa pfufho idzi Augustine Nethononda o sumbedzisa uri vho diimisela tshothe uri mushumo uyu u vhe wa mathakheni.

Vhaimbi vho vhonala vho bva nga vhunzhi u swika hodelani ya Khoroni, hone he ha farelwa mushumo wa u vula lwa tshiofisi pfufho dza uno nwaha. Musanda Gole Mphaphuli na vhanwe vhahulisei vha muvhuso vho vhonala vho swika u tikedza u rwelwa tari uhu ha pfufho dzine dzi khou farwa lwa vhutanu ubva tshe dza thoma nga nwaha wa 2012. Vhanwe vha vhaimbi vho vhonalaho hu katela vhathubi vha minwaha yo fhelaho Sir Mcklekker, Malondolo, Khakhathi, Dokotela Roxley Masevhe,Cornerstone, Shufflers, Mulalo Mukwevho na vhanwe. Vhoramafhungo vha hayani na vhone vho vha vho swika vha tshi vhonala nga u ya ngei na ngei vha tshi foda zwinepe na u talatadza kha zwibugwana zwavho.

Ho dohwa hafhu ha fhiriswa vhunzhi ha vhaimbi na vhabveledzi vha muzika vhevha vha vha na dzimbudziso kana u sa fushea nga zwinwe kha matshimbidzelwe a pfufho idzi. Vhadzudzanyi vho sumbedzisa uri vha ita nga nungo dzothe uri pfufho idzi dzivhe dza khwinesa na u tshimbidzwa nga ndila ya mathekheni.

U wana zwinzhi nga ha pfufho idzi vha nga kwamana navho kha:  086 810 3845 kana www.tshima.org.za

Tshovhilingana 10 baisikoponi!

Ndo swika State theatre nga Mugivhela wa la 8 Fulwana ndo no lenga sa izwi ndo vha ndi khou tshimbila na mme a vhana. Ndi tshi dzhena nga munango ndi wana holo yo dala a hu vhonali hu tshi nga wanala na tshidulo tshi si na muthu. Munwe wa vhathu vhe vha vha vha khou thusa nga ngomu vha vhonetshela nga founu ra kona u vhona zwidulo zwivhili zwo thalanganaho zwi si na vhathu, nne nda dzhiya tsha tsini nda ri muthu wanga a ye nga fhasi hune ha vha na tshinwe tshidulo. Nga itsho tshifhinga ndi khou balelwa na u dzula zwavhudi sa izwi mato o vha a khou gidimela u vhona filimu iyi ya Tshovhilingana.

Tshovhilingana 10 yo bva nahone i tou vhaisa na mbabvu nga miswaswo i re hone. Fhedzi filimu iyi yo vha i khou sumbedzwa sa baisikopo fhala mudini wa Tshwane State Theatre nga la 8 Fulwana 2017. Ho vha ho dala lwe nda wana na vhalindi vha tsireledzo vha tshi vho tou vha kha shia shia la u thusana na vhathu vha Vho-Bundu.

Filimu yavhudi, na miswaswo yo dzudzaneyaho, vhathu vhanzhi vho sumbedza u takala na u ri ngavhe i sthivhuya hafhu vha kone u ramba mashaka na dzikhonani vha de vha diphine nga vhutope ha Ntambudzeni na khonani dzawe.