Lufuno Munzhelele - Ngani Nne 2018

Jah Soldier Album Tour

Papa Thile o bvisa video

Muimbi wa muzika wa sialala Papa Thile o bvisa video ya luimbo lu no pfi 'U luvha a hu na mapone'.

Luimbo ulwu lu wanala kha thandela ine ya pfi 'Marubini ashu', ine ya vha thandela ya vhuraru ya Papa Thile. Papa Thile uri "Luimbo lwo tutuwedziwa nga u vhona murafho wa zwino u sa tsha thonifha mahosi ashu, mvelele na yone i tshi vho pfuluwa". U bva afho Papa Thile o mbo ita thoduluso nga ha zwikhodo zwa mahosi a Venda a mbo da na tombo heli la u luvha na u hulisa mahosi.

Muimbi uyu ane khaye mvelele ndi ya vhuthogwa, uri VhaVenda kha ri dihudze na u ditongisa nga zwahashu zwi ri itaho vhathu. Papa Thile uri u tama thandela heyi i tshi swika na ndevheni dza vha henengei vhusendekamisi. O shuma na vhathu vha no nga Blessa, Ramzeey, Ras Canly, Tendy_J na V_Mashamba.

Facebook.com/PapaThile

Rendy S o thuba tshiphuga kha SA Liberty Radio Awards

Rendani Sikhwivhilu kana Rendy S sa zwine a divhiswa zwone, o thuba tshiphuga tsha SA Liberty Radio Awards kha khethekanyo ya muhashi wa zwa magondoni wa khwinesa. Kha khethekanyo iyi, Rendy S o vha o nangiwa na vhathu vha no nga Rob Byrne (Metro FM), Jadene Tager (Power FM), Mvangeli Nzuza (Kaya FM), Lebogang Phokela(Power FM), Aki Anastassiou (702) na Zoe Brown(KFM).

Pfufho idzi dzo farwa Sandton Mugivhela wa dzi 14/4/2018. Thina 'Chittagong' Ramantswana naye o vha o khethiwa kha khethekanyo ya muhashi wa zwa mitambo, fhedzi tshiphuga itsho tsho vho tuwa na muhashi wa zwa mitambo kha Power Fm Thabo Mosia.