3.2.12

Adziambei Band

 Duvha la u thoma le nda thetshelesa album ntswa ya Adziambei Band i no pfi Shango lo takala, nga mbilu ndo ri "I am proud to be Venda" . Nda zwi pfa uri ndo khakha nda ri, "Ndi a dihudza nga vhuvenda hanga". Mazhakandila a vhuimbeleli ha Tshivenda o vhuya nga mulenzhe munwe. Zwine zwa mangadza ndi zwauri u bva tshe vha thoma, a vha humeli murahu, muzika wavho u dzula wo vhibva, u sa solisei. Vhavenda ra litsha u kuvhatedza hezwi, ri do disola. Adziambei Band vha na vhutsila vhune rothe Vhavenda ri tea u ditongisa ngavho.

Ndo lenga nyana u zwi pfa zwauri havha vhahulisei vha do vha vhe HaMavhele nga mugivhela wa dzi 28/02/12. Fhedzi a zwo ngo thithisa tshithu, ndo diwana ndo swika Ha-Mavhele, naho do di ri lengi zwituku. A si u takala hezwo zwithu, musi ndi tshi vhona vhakalaha vhavhili na mukegulu vhe ntha hangei vha tshi khou ita zwe vha dela zwone fhano shangoni. Vhathu vhothe vho vha vho takala vha tshi khou imbelela uri "Nwana o ngalangala". Mafela "Starterpack" o vha e ene mutshimbidza mushumo. A thi athu vhona vhathu HaMavhele vho takalela vhaimbi sa zwa hoyo Mugivhela, u bva tshe nda thoma u ya Ha-Mavhele. Ri a livhuwa Vhavenda vha hashu, ngavhe vha tshi dovha vha vhuya hu si kale.

Album yo bva, i pfi "Vhathu vhothe vho takala". Luimbo, "Nwana o ngalangala", vha lu pfa vha sa lu takalele, nne a thi tsha divha. Mulaedza wa album ndi wavhudi, nne ndi funesa hune ha pfi, "U kondelea hu ya vhavha, sathane tshi a bora. Namusi vha mufunzi tshi dzula tshi khou vha kweta". Vho-Tshivhangwaho, nne ndo takala vhoiwe no kuvhangana. Maele hae! Elias hae! Johannes hae! O vhuya tshipotoni!!


Adziambei Band Live at Ha-Mavhele, Pretoria.
at

5 comments:

  1. AnonymousFebruary 6, 2012 at 4:58 AM

    please can somebody post the website where we can download venda music

    ReplyDelete
    Replies
    1. AnonymousFebruary 17, 2012 at 3:59 AM

      a hun u kandisa na u pfukisa vhutsila ha vhana/mazhakandila a/vha hayani nga heyo inwe ndila ya "website" khari tou vha tutuwedza nga u renga zwibxelwedzwa zwavho

      Delete
    2. OwenDecember 13, 2012 at 1:12 AM

      Ni vha mutikedzi wa hani ni tshi nga tou downloada muzika naa? ndi zwa mini mara?

      Delete
  2. AnonymousFebruary 13, 2012 at 5:27 AM

    ndi nga wana gai album ya malondolo ngeno pretoria

    ReplyDelete
  3. MerlMarch 9, 2012 at 8:35 AM

    Hezwi ndi zwa vhudi mara nne ndi khou toda na dzi nyimbo hedzila dza kale, it can be video or cd dza hone like colbert mukwevho, adziambei band, thrilling artist, irene mawela, vho ramavhea, vho mandiza etc, please ndi khou humbela u vhudziwa uri ndi nga dzi wana ngafhi? rite now ndi Pretoria but mostly ndi ya ya hayani Makhado (Louis Trichardt) e-maiul yanga ndi merlynsingo@inkanyiso.co.za

    ReplyDelete

Subscribe to: Post Comments (Atom)