Elelwani Tour

“Elelwani Tour” ye ya thoma fhala Doroboni ya Tshwane nga mugivhela wa dzi 4 Fulwi 2015 yo vha ya mathakhenisa. Naho phepho yo vha yo dinea maanda, vhathu vho swika nga vhunzhi u tikedza fulo ili la muimbi mukoni wa Gospel Thili Maumela. Vhadivhalea na vhanwe vhaimbi vha muzika wa Gospel a vha ngo shavha na phepho musi vho dadza holo ya Doxa Deo  ine ya vha doroboni ya Tshwane. Lufuno Dagada, Muvhuso Masakona, Solvin “Tshidumbumukwe” Ndou, Thabelo Thavhanyedza, Maumela Mahuwa, Thina Nemukula, Ambani Ramaru na vhanwe vhanzhi vho vha vho swika u kunguwedza mushumo uyu.

Thili, ane a tou vha ndele kha zwiambaro o vha o nakelela lunwe, zwe zwa tou ntsumbedza uri ndi munna wa ndele vhukuma, zwine zwi ya pfala na kha muzika wawe une wo dzudzanyiwa lwa vhudele. Vho vula mushumo nga luimbo thangeli lwa album ine vha khou I itela bembela ili ine ya pfi Elelwani, vha tevhela nga luimbo lune lu khou ita bvumo shango lothe, ‘Mulisa wanga’. Musi vha tshi lu thoma luimbo ulwu, ndo wana ho vuwa zhalinga, munwe na munwe a tshi vhonala uri u khou diphina nga muzika uyu wa mathakheni. Lu tshi sala lu tshi fhela munwe na munwe o vha a tshi pfala a khou imba na Thili uri “ u ya nndededza Yehova”.

Vhusiku ho vha ha vhudisa ha u renda, u khoda na u renda Mudzimu zwine vhanzhi vho tuwa vho fhatutshedzea. Vhathu vho fushwa nga nyimbo nnzhi nahone dzo lidziwaho zwavhudisa nga band ine I ya vhonala uri yo vha yo dilugisela u fusha lushaka. Ho swika na tshifhinga tshe mutanuni wa vhafuwi kha Muvhango Vho-Maumela Mahuwa na muimbi Tshidumbumukwe Ndou vha vho tou gonya kha vhugalatenga vha tshina malende, zwi zwa nthesa.

Ri livhuwisa Thili kha u thuba tshiphuga tsha Best Traditional Gospel kha pfufho dza Mzansi Gospel Music dza 2015.

Pfufho dza SATMA 2015

Lavhuna, 18 Fulwi 2015

Pfufho dza SATMA 2015

                                                       Junior Sikheli

Pfufho dza uno nwaha dza South African Traditional Music Achievement Awards, dzine dza divhea sa dzi-SATMA, dzi do farwa nga fhasi ha thoho ine ya ri “ndi muAfurika” (I am an African). Pfufho idzi dzine dza farwa nwaha nga nwaha, dzi dou vha dzi khou farwa lwa vhufumi uno nwaha. Zwi vhonala zwi khou tshimbila zwavhudi kha tshiimiswa itshi tsho thomiwaho nga Vho-Dumisani Goba nga nwaha wa 2005. Muhumbulo muhulwane wa pfufho idzi wo vha wa u takusela ntha na u tutuwedzafhadza vhaimbi vha muzika wo tutuwedziwaho nga kuitele kwa vhathu vha nyambo dzo fhambananaho dza Afurika Tshipembe.

Nwaha wo fhelaho pfufho idzi dzo farelwa Fort-Hare University nga murahu ha uri univesithi iyi ya do vha I khou pembelela minwaha ya dana(100). Vhanwe vha vhaimbi vho no thubaho zwiphuga zwa SATMA hu katela Malondolo, Tycoon fo sho, Cornerstone, Junior Sikheli na vhanwe.

Vhaimbi vhane vha toda u dzhenelela kha vha tea u rumela zwidodombedzwa zwavho, ho katelwa fomo ine vha I humisa na CD, DVD, na tshifanyiso tsha muimbi kana vhaimbi vhenevho hu saathu fhira Musumbuluwo wa la 6 Fulwana uno nwaha. Vhaimbi vha khou kunguwedzwa uri vha tavhanye u dinwalisa uri vha kone-ha u dikunguwedza zwavhudi hu tshee na tshifhinga saizwi hu tshi tou vouthelwa uri u kone u wana tshikhala tsha u vha munangiwa kha dzikhethekanyo.

Khethekanyo dzi katela Best Male Artist, Best Female Artist, Best Afro Soul, Best African Jazz Song, Best Reggae Album, Best Poet na Best Venda Album. Fomo na zwidodombedzwa zwi khou wanala kha lubuvhi lwa SATMA (http://satmaawards.co.za/).

TSHIMA AWARDS 2015

11 Fulwi 2015

Tshila tshifhinga tsha u pfufha vhoramuzika tsho swika habe. Ri khou amba nga TSHIMA AWARDS 2015.  Vhaimbi vhane vha tama u dzhenelela pfufho dza nanwaha vha khou divhadzwa uri magethe o vulea, zwine vha tea u ita zwone ndi u gidimela fhala nduni dza Phala-Phala FM Thohoyandou kana Polokwane vha dzhia form dza u dinwalisa. U dinwalisa ho vula nga Musumbuluwo wa 8 Fulwi, ngeno hu tshi do vala nga 12H00 ya masiari nga la 17 Fulwi 2015.

Khethekanyo dza nanwaha dzo ima nga ndila I tevhelaho:

-          BEST TSHIVENDA NEWCOMER OF THE YEAR

-          BEST TSHIVENDA HIT SINGLE ARTIST OF THE YEAR

-          BEST TSHIVENDA GOSPEL ARTIST/GROUP OF THE YEAR

-          BEST TSHIVENDA REGGAE ARTIST/GROUP OF THE YEAR

-          BEST TSHIVENDA AFRO-SOUL/CONTEMPORARY ARTIST/GROUP OF THE    YEAR

-          BEST TSHIVENDA HIP HOP ARTIST/GROUP OF THE YEAR

-          BEST TSHIVENDA TSHINGONDO ARTIST/GROUP OF THEYEAR

-          BEST TSHIVENDA SONG OF THE YEAR

-          BEST TSHIVENDA TRADITIONAL ARTIST/GROUP OF THE YEAR

-          BEST TSHIVENDA DANCE ARTISTS/ALBUM OF THE YEAR

-          BEST TSHIVENDA FEMALE ARTIST OF THE YEAR

-          BEST TSHIVENDA MALE ARTIST OF THE YEAR

 Zwidodombedzwa zwinzhi vha nga zwi wana nga u rwela lutingo kha 073 561 4870.

NFVF Calls for Film and TV Students to apply for its National Bursary Scheme

For more info and application forms, follow the link below.


http://nfvf.co.za/home/index.php?ipkMenuID=&ipkArticleID=257

Munzhelele entertainment co.

OUR SERVICES:

-Print and duplicate CD/DVD

-Design CD/DVD covers

-CD/DVD Packaging

A CD/DVD cover says a lot to a fan/supporter or whoever is ready to spend their hard earned cash buying your CD/DVD. Your choice of design and that of your printing material can attract or chase away your potential customer. Settle for nothing but the best in CD and DVD Printing, Duplicating and Packaging.

"What the eyes see and the ears hear, the mind believes." - Harry Houdini

Junior Sikheli o bvisa CD ntswa

Muimbi a divheaho wa muzika wa Tshivenda Musiwalo ‘Junior Sikheli’ Nengudza o bebwa fhala Tshifudi nga nwaha wa 1983. Junior Sikheli o thoma zwa vhuimbeleli u bva vhutukuni musi a tshi kha di imba kha zwinwe zwigwada zwa dzikhwairi e henefha Venda. Nga nwaha wa 1997 Junior Sikheli o do thoma tshigwada tshawe, he a do vha ene musimi e henefhala Mangondi. Namusi Junior Sikheli ndi munwe wa vhontende zwi tshi da kha vhuimbeleli ha Tshivenda.

 

Album yawe ya u thoma ine ya pfi Ladzani shango yo bva nga nwaha wa 2012. Album iyi yo mu itela dzina vhukuma nge ya dovha hafhu ya thuba tshiphuga tsha South African Traditional Music Awards (SATMA) nga nwaha wa 2013, na u nangiwa habe kha pfufho dza Tshivenda Music Awards (TSHIMA) dza nwaha wa 2013. ‘Nwali o sinyuwa’ ndi yone album ntswa-ntswa u bva kha muimbi uyu ane a tou vha mufuni na muthogomeli muhulu wa sialala ya Vhavenda. “Nwali o sinyuwa” ndi lunwe lwa nyimbo dzine dza khou funeswa sa izwi na kha radio vha sa fhidzi u lu tamba. Iyi ndi album yo dzudzanywaho zwavhudi ine ya sumbedza u aluwa ha Junior Sikheli na muzika wawe.

 

 

Muthannga wa u dzula a khou nwenwela, tshifhinga tshothe wa mu wana a tshi khou lidza u vha o lela nga zwiambaro zwo rungiwaho lwa vhudele zwa malabi na mivhala ya sialala. A tshi amba ene mune uri o tou rumiwa nga vha fhasi uri a pfukise mulaedza, u kaidza na u sumbedza vhathu maitele one one sa izwi shango la namusi lo no vilingana/tanganana sa izwi na maitele a kale a si tsha tevhedzelwa. Junior Sikheli o no lidza fhethu hunzhi shango nga vhuphara nahone hu vhonala lwendo hu hone lu tshi khou thoma.

 

 

 

CD dzi khou wanala, kha vha kwame lutingo: 079 486 3179

 

The Next Generation Band: Video i re kha Youtube

Heyi ndi video ya luimbo nga The Next Generation Band. Luimbo ulu lune lwa  vha lwa Munna wa vhane Bob Marley lwo vha lu tshi khou tambiwa musi tshigwada itshi tsha Reggae tshi tshi khou dilugisela linwe la madikita avho u mona na Pitori.

Ntshudu "Judah"Guduvheni
Arinao"Jasper" Nemutandani
Tendani "Jah Soldier" Maiwashe
Lufuno "Moses" Munzhelele

Link:

https://www.youtube.com/watch?v=m-bfuno_NPM

Ndidzu Matumba – U thome nga nne

‘U thome nga nne’, ndi album ya u tou thoma ya muimbi a divheyaho wa Gospel Ndidzu Matumba, musi o diimisa sa muimbi nga ethe. Vha do mu humbula o imba kha tshigwada tsha Worship House kha Project 7, 8 na 9. Luimbo lune vhathu vhanzhi vha mu divhela lwone ndi luya lu no pfi Ndi ene. U tou bva duvha le Vhafunzi Vho-Dagada vha mu pfa a tshi khou imba hunwe mbulungoni, vho mbo di mu humbela uri a de a shume na Worship House. U bva zwenewo a hu ngo tsha vha na u sedza murahu kha muimbi uyu wa ane musi a tshi imba a vhugalatengani, vhanzhi vha ya fushea.

 ‘Vha tshi fhatutshedza vha thome nga nne’

‘Vha tshi fhatutshedza vha thome nga nne’, aya ndi maipfi ane a bva kha luimbo thangeli lwa album ntswa ya ene Ndidzu Matumba lune lwa pfi ‘U thome nga nne’. Album iyi ndi yavhudi nahone musi vha tshi I thetshelesa I vha swikisesa tsini na Muvhumbi wavho nga nyimbo dzavhudi dzo imbiwaho nga muthu a re na mafulufulu na vhudifhulufheli kha zwine a ita. Ndi inwe ya album dzine wa thoma u I lidza, u tou mangala yo swika mafheloni u songou vhuya wa zwi limuwa. Album yo lidzwaho ya dovha ya bvumelwa lwa u difha, Ndidzu u sumbedza uri ndi ngani vhathu vhathu vhanzhi vha tshi mu takalela nahone ho vha hu kale vha tshi di ri a bvise album yawe ene mune. Vhathu nga vhunzhi vha pfala vha khou I takalela vhukuma, ngauri u bva tshe ya thoma u wanala, vhathu a vha khou vhuya vha vha na thidza kha u toda u I wana.

Album iyi ya nyimbo dza sumbe yo bikiwa henefhala ha Vho-Sandani, Maniini. Nyimbo dzi ngaho sa ‘Dakalo’, ‘Lufuno lwa Yesu’, ‘Vhafunziwa’, na ‘Ndi ene’ ndi dzine vhathu vha do diphina ngadzo, hone vhala vha u funa u tshina na u imbelela vha do wana khonani kha nyimbo dza Ndidzu khushumusi ino. Ri sa hangwi na luimbo thangeli lune lwa tou vha thabelo I khathulaho na mbilu. Vhuimbeleli ha Ndidzu kha rine vha kekeke dza Tsioni khuvha vho tou ri tonda vhukuma, muthethelela ri do mona zwavhudi.

 

Arali vha tshi toda CD ya Ndidzu vha nga kwamana na Ndaedzo kha 084 207 0006.

Thina o khethiwa kha pfufho dza gsports

Thinandavha ‘Chittagong’ Ramantswana u tou vha inwe ya tsumbo ya khwine ya uri arali wo diimisela u ita tshithu, u ya tshi kona. Muhashi uyu wa zwa mitambo kha PhalaPhala FM o nangiwa na vhanwe vhavhili, uri khavho hu do kona u wanala ene ane a do thuba tshiphuga kha khethekanyo ya the woman in media wa nwaha kha sia la zwa mitambo nga dzi 24 Lara 2014, ngei Johannesburg. Vhuraru havho vho khethwa kha khethekanyo ine yo vha inwe ye vho dzhenaho vha tou bvuda nga lubuli lwa nelete. Ngazwo na Chittagong o pfala a tshi tou vha mathakheni vhukuma musi a tshi khou amba nga ha u diwana o khethwa kha pfufho idzi dzo thomiwaho nga nwaha wa 2006 nga mufumakadzi a divheaho kha zwa mitambo, Kass Naidoo na munna wawe Ryk Myring.

Thinandavha Ramantswana o thoma u hasha kha PhalaPhala FM nga 2007, he nga nwaha wa 2011 a mbo thoma na u hasha mitambo ya bola thwii!, a mbo vha ene muhashi wa mufumakadzi wa u thoma u ita zwo raloho. Thina u bva mudini une vha ya takalela zwa mitambo, zwo nambaho zwa fhatela na khaye vhunga na bola ya milenzhe o di tamba. Ro pfa upfi na mukalaha vho vha vhanwe vha vhatambi vha khwinesa vha bola ya milenzhe ya Luvhalani, Nzhelele. Vhakhaedu vhawe, Rommy Titus na Busisiwe Mokoena, navhone ndi vhafumakadzi vhane vho tou fombe kha zwezwi zwa vhuramafhungo. Rommy ndi mufumakadzi ane o no ita zwinzhi kha ubveledzisa zwa mitambo fhano Afurika Tshipembe, vha nga mu pfa a tshi khou hasha zwa mitambo kha Radio 2000. Busisiwe ene u nwala zwa mitambo kha bammbiri ya Daily Sun. Avha na vhanwe vha re kha dzinwe khethekanyo ndi vhone vhe vha topolwa kha uno nwaha uri vho shumesa zwi tshi da kha sia la mitambo ya vhafumakadzi kha la Afurika Tshipembe.

 

Gsport ndi tshiimiswa tsho dimiselaho u takulela ntha na u tutuwedza vhoramitambo vha vhafumakadzi vha Afurika Tshipembe. Tshe tshiimiswa itshi tsha thomiwa nga 2006, ho no vha na vhafumakadzi vhanzhi vho no tuwaho na zwiphuga izwi, Caster Semenya, Vh-Muditambi Ravele na vhanwe. Thina u vhona uri vhunzhi ha vhafumakadzi vha kha di didzhiela fhasi, fhedzi u vhona uri tshifhinga tshi tshi ya zwi do shanduka ra wana vhafumakadzi vhanzhi vhane vha bva Limpopo na vhone vha tshi di dzhenisa kha zwa mitambo. Fhedzi ene uri o zwi kona nga u sa teledza u guda, zwa ingwa na nga dzangalelo la u vha muhashi wa zwa mitambo. Ri ri mashudu mavhuya!

Mushumo wa u avhela zwiphuga u do farelwa mudini wa Johannesburg nga duvha la vhu 24 Lara 2014.

 

Phala-Phala FM yo vha i Pitori

Phala-Phala FM yo vha I mudini wa Pitori mafheloni a vhege heyi yo faho. Lo vha li tshi tou vha dzhatsha vhukuma nga Lavhutanu la dzi 10 Tshimedzi 2014. Majantibai na Jimmy the scratcher vho hasha u bva nduni ya khasho I re Hatfield. Nga madekwana ho do vha na dikita le la vha lihulu-vhukuma le la farelwa fhala fhala Marafco Lounge. Ho vha ho dala lwe kha nne lwo vha lwu lwo  tou thoma ndi tshi vhona Marafco ho dala nga u rali. Ndi hone he nda thoma u tenda uri arali Phala-Phala fm ya zwi funa I nga imisa dorobo ya tou ri tserrrrrr!

Bepha lo vhesa lavhudi, fhedzi vhaoganaisi vho poidza zwi tshi da kha muungo (sound system) we wa vha u tshi khou shumiswa. Vhaimbi vhanzhi a ro ngo pfa na zwe vha vha vha tshi khou imba sa izwi zwinwe zwo vha zwi tshi ita zwi tshi tsima. Naho zwo ralo, vhathu vho vhonala vha tshi khou diphinesa nga muzika wa havho, na u vhona vhahashi vhavho. Vho-Mpho vha ja la mulenzhe ndo tenda, fhedi kha mubveledzi na muhashi wa Dzi ya orowa ndi vhona u ngari vha ya sala murahu. Majaivi a Rendani na Jimmy ha todi li kha di vhonalesa, a di toda zwenezwi zwa musi lo no tota nyana. Ndo vha ndi sa zwi divhi uri Slim (Liguluvhe) ndi DJ!

 Ndi nga amba uri vhaimbi vha hayani ni ya kona. Zwe nda vhona nga Lavhutanu zwo vha zwa mathakhenisa. U bva kha Proheed, Khakhathi wa Tshisikule, Jah Soldiers, Just-Ice, 2 minutes vs Dupa, Paperweight, Benjamin Maurell na vhanwe. Arali ra farelela nga u rali zwi do ita. Jinika o dzhena ngomu luvhandeni nda wana ho tanganana a tshi imba luimbo lwawe lwa uri ni tshi tamba ni tambe zwavhudi. Nga u angaredza ndi nga ri Phala-Phala FM yo ri ita vhathu nahone ri khou dihudza zwihulusa.

 

Kenny Murabi releases "Tshikhokhonono"

 

 

For sales contact: 082 401 9730/079 658 2647