Arali

Lufuno uri,

Ri balelwa u vhona milingo

Ri ngomu ri khou sola zwa vhanwe

Ri balelwa u tshila vhutshilo

Ri ngomu ri khou sasaladza zwa vhanwe

Arali hovhu hu hone vhutendi

Nne ntsitseni henefha ndi disalele

Ngoho nne ndi nga si kone

U tshila ndi tshi dizwifhela

Nahone nne ndi nga si tende

U xedzwa anga mato a tshee o vulea

A ni ri nda dzula na vhenevha naa

Vhane vha mpfesesa

A ni nnditshi nda xela ndi na vhenevha naa

Vha so ngo dalaho zwisolo na zwigodo

Ndi kwine ndi na vha sumbedzaho Lufuno lu tshilaho

Hu si lwa vheiwe lwa vhomutandangauwe

Mabanga o ima, bivhili dzo farwa

Ni mpfarele ndi tshi fhingula

Fhedzi muthu linwe duvha u do lila

Lufuno uri,

Ri balelwa u vhona zwikhukhuliso

Ri ngomu ri khou sola zwa vhanwe

Ri balelwa u vhona mabono

Ri ngomu ri khou sasaladza zwa vhanwe

Arali hovhu hu hone vhutendi

Nne ntsitseni henefha ndi disalele

A si khwine ndi tshi lovha luvalo lwo vhofholowa

U fhirisa u la nda nwa na vhasili

Litshani zwothe mufhunga na mavhele zwi aluwe

Khotsi vha do fhandekanya zwothe khanoni

Fhedzi mitodzi na malofha a vhana vha Afurika

Tshilikadzi dzine na khou tambudza

Ri tshi amba na ri vhudza uri ri vhatsinda

Munwe linwe duvha u do mmbudza

Ngauri a ni koni u vhala, vha ri ni songou amba

Fhedzi vheiwe a ni koni u tamba, ni sokou ri fha samba

Ndila munwe na munwe u tou dinangela

Vhana vha Afurika ni songou kongoniwa nga vha no ri hezwi

Masiari ndi vhavhuya, li tshi kovhela vha ya shanduka

Dada li ya luma, ni so ngo dibadekanya nalo

Ni nnditshe ndo tou rali