Lufuno : Ngauri ndi a ni funa (2011)

Lufuno

Ngauri ndi a ni funa

Ndi a zwi vhona ndi tshi ni sedza

Hezwi ro dzula ro sedzana hu sina tshedza

Ndi zwine nda ita

Hu nga vha maipfi ane nda amba?

Zwothe ndi tshi itela inwi

Nda ni hevhedza zwine vhanwe a vha zwi pfi

Ndi tshi ni fara vhanwe a vha zwi takaleli

Ndi tshi ni amba vhanwe a vha mpfesesi

A thina ndavha, inwi ni ya mpfesesa

Zwothe hezwi ngauri ndi a ni funa

Ni songou vhudzisa uri ngani?

Kana uri hani-hani?

Ngauri nne ndi tou ni funa

Zwi nga vha zwo ri kondela mathomoni

Divhani uri nndwa i naka mafheleloni

A si vhanzhi vhane vha swikelela

Ndi di rwa khana ndi tshi ni humbula

Ni tou vha ene nyanenge wa nne

Ngoho ni si ho ndi nga si kone

Ndi ni lindela mbilu i tshi vhavha

Ni tshi bvelela ndi thoma nga u ni mama

A thi khathali uri hu na vhathu

Hai, a thi ri na vhone ndi vhathu!

Zwothe hezwi ngauri ndi a ni funa

Ni songou vhudzisa uri ngani?

Kana uri hani-hani?

Ngauri nne ndi tou ni funa

Vha tshi ni vhudzisa (ndi amba vha mafhungo)

Ni vha vhudze uri u tou mpfuna

Vha tshi ni vhudza (ndi amba vha zwitshele)

Ni vha vhudze uri u ya mpfuna

Ni songou tsha mbudzisa

Futhi ni songou tsha divhudzisa

Ngauri ndi a ni funa

Ni songou vhudzisa uri ngani?

Kana uri hani-hani?

Ngauri nne ndi tou ni funa