Album ya Judah kha dzi-SATMA

“Let thy kingdom come” ndi album ya u thoma nga Judah, ane a vha murado wa tshigwada the Next Generation. Bvumo line muimbi uyu wa muzika wa reggae ane a bva Makwarela la khou ita ndi lihulu vhukuma. Album iyi yo nangiwa kha thanu dza khwinesa kha pfufho dza nanwaha dza TSHIMA. Zwi tshee zwo ralo album iyi I khou dovha hafhu ya dzhenelela pfufho dza SATMA (South African Traditional Music Awards). Pfufho idzi dzine dza fariwa nwaha nga nwaha i tou vha ndila ya u alusa na u tutuwedza vhaimbi vha mizika ine yo tutuwedzwa nga mvelele na nyambo dza maAfurika Tshipembe u ya nga u fhambana havho. Album iyi yo I khou dzhenelela pfufho idzi kha khethekanyo ya BEST REGGAE.   

 Album iyi ine ya pfi “Let thy kingdom come” yo bviswa nga nwaha wa 2014. Judah o shuma na vhathu vha no nga Huli ‘360’ Ndou, Tendani ‘Jah Soldiers’ Maiwashe, Mulalo ‘Benjamin Maurell’ Mukwevho na Tenda Netshilulu. Nyimbo dzi no nga “Rise again” “Nnditsheni ndi tuwe”, “Muvhuso wau nga u de” na “You” ndi dzinwe dzine dza khou ita bvumo u bva kha iyi album.

 Judah u khou ita khuwelelo kha Vhafuni vha muzika wawe uri vha mu vouthele nga u rumela mulaedza “SATMA, JUDAH, BEST REGGAE” kha nomboro ya 34066. Mulaedza muthihi u dura R1.50. Judah, ane a divhea sa Ntshudu Guduvheni uri o diimisela u vhuya na tshiphuga itshi nanwaha.

 

 

Vha tshi todana na album iyi vha nga kwamana na Ntshudu “Judah” Guduvheni kha 060 646 8261